تخيل معايا صفحة غش امتحانات و البوست كله عباره عن دعوه للغش الجماعى مطعمه ببركات دينيه لفظيه : شوف كده

السلام على من اراد السلام ورحمة من والله وبركاته

خلصنا تسريب الامتحانات والحمدلله

بلغتكم لوجه الله

الحمدلله سمعتنا سابقانا

وفقكم الله لكل خير وجعلكم ذرية صالحة لاهلكم ? https://t.co/Dlbw9Bsl6g

وخير رفقاء لاصدقائكم !!

انا مبدئيا معنديش شك ان انت قدام تفكير اخوانى منظم ، بنفس الابجديات بتاعتهم ، استخدام خطاب دينى فى عمل اجرامى ، وطبعا ربما فيه تقصير امنى ان بعض الصفحات دى بتدار من مصر لسه !

انما الفكره هو طبيعة الانسان المختل اللى بيغشش ولاده?٢

و بيستنى ربنا يبارك له فيهم و يجعلهم ذريه صالحه!!

الانسان المختل ده ، هتلاقيه حواليك فى كل مكان!!

هتلاقيه بيقاطع معاك ضد اسرائيل ، و مستنى اننا نستعيد القدس ويمكن الاندلس

هتلاقيه بيشتم الملحدين بتوع تكوين اللى والعياذ بالله هيضيعوا الدين

هتلاقيه بينزل ادعيه ،وقرآن كل جمعه?٣

وعشان كده الصفحه عارفه زبونها وبتخاطبه بالدين اللى يفهمه ، وتغششه تحت مظله من التقوى والورع الشكلى ، والنفاق الحقيقى !!

وفى نفس الوقت ، يسرق كهربا ، يغشش عياله ،ياكل ميراث اخواته ،يكرمش اللى فيه النصيب لبتاع البلديه او المرور لما يتقفش مخالف ، يشوف واسطه يطلع بيها رخصه سواقه?٤

وهو مبيعرفش يسوق ، يظبط حاله عشان ياخد حاجه قبل غيره !! ولو كلمته ، هيقولك نعمل ايه بس ؟ منهم لله ولاد الحرام اللى خلونا مضطرين نعمل كده! لو معملناش كده حالنا هيقف !! مهو لو فيه ناس تعرف ربنا بتدير البلد مكنش ده بقى حالنا !!?٥