ثريد بعنوان الذكي بتعلم من غلطوا اما الحكيم بتعلم من اغلاط غيرو هنا دي تجربتي بعد الخروج من موسم القمح الحمد لله بعد موسم طويل صعب الموسم الخريفي في البصل ، الحمد لله بديت بداية فعلية شهر خمسة بتحضير الارض بالدسك تلاتة صاجة المساحة الكلية كانت ١٢ فدان هنا واحد من الاغلاط https://t.co/YWtrm7hlX9

الحصلت انو اخرت خطوة الدسك لي زمن قريب الزراعة ودا غلط كبير جدا بنقطة انو حازرع شهر ٦

حضرت الارض بعدها بي ٣ مراحل من الحراتة

اديتها بعداك طرحة للتنعيم التربة لانو البصل محتاج تربة تكون شبه ناعمة لازم تحدد جدول زمني مع بتاع التركتر لانو اي تأخير بفرق معاك https://t.co/wlj7ZMIvLj https://t.co/GEdv2NtTRf

دخلت بميزانية محددة ومكتوبة يجماعة دي خطوة مهمة جدا لانو لو حصل غلط في الميزانية الموسم حيفشل لانك حتقيف في النص لازم وضع الميزاينة يجي بمساعدة مجرب فنتيجة لتقلب اسعار الاسمدة اشتريت اليوريا والداب والبذور قبل بداية الموسم لانو بقدر اتحمل لو سعرو نزل لكن ما بقدر اتحمل لو زاد https://t.co/AnTOMlDScH

شهر ٦ بديت المرحلة الاولى مرحلة رمي المسمس اللي هو بقعد في الارض شهر بعداك بيتم نقلو للمزرعة ، بداية شهر ٧ الحمد لله انتهت مرحلة المسمس بسلام وانتقلت للخطوة الكبيرة للي هي تحويل المسمس للمزرعة يا جماعة ما قادر احكي قدر شنو البرنامج دا صعب ? الخطوة دي خطوة مكلفة جدا وفي نفس الوقت https://t.co/V5ZrGWxdj0

وفيها تعطيل لنمو البصلة لانك بتحولها من محل لمحل التقنيات في الخطوة دي اتطورت في الخرطوم لكن في الاقاليم ماشين بمبدأ ( هذا ما وجدنا عليه اباؤنا ) القطاع دا سوق فاتح جدا نتمنى يحصل عليهو تركيز مرحلت الشتل الحمد لله انتهت اخذت فترة اسبوعين بميزانية مليون و ٢٠٠ الف https://t.co/RoBzBzlZUZ