#ثريد من ١٠ اجزاء خاص ب #سعرصرفالدولار
لكل مواطن لبناني ضروري يفهم هالأمور لي هي ثابتة ومن المسلمات ولزيادة الوعي المالي والاقتصادي لي شخصيا وللجميع ثانيا.
الرجاء #رتويت والمشاركة لهذه التغريدة فقط وعأوسع نطاق. النقاش ومشاركة الآراء مفتوحة ومشكورة من الجميع سلفا.
1- سعر الصرف ليوم الجمعة تراوح بين ٣٩٥٠-٤٠٥٠
الشراء والمبيع مصطلحان من جهة الصراف او البائع: #الشراء هو السعر الأدنى أي السعر لي الصراف جاهز يشتري منا عليه دولار. #المبيع هو السعر الأعلى أي السعر لي الصراف مستعد يبيعنا عليه دولار.
٢- اذا اليوم (الجمعة بسعر ٣٩٥٠-٤٠٥٠) انا اشتريت من مواطن عسعر ٣٧٠٠ مش معناها انهار الدولار والسعر صار ٣٧٠٠ ، بل معناها انا ضحكت عهيدا المواطن بالسعر، واذا حدا باعني دولار ب ٤٣٠٠ مش معناها الدولار ارتفع وصار ٤٣٠٠، معناها الصراف او البائع ضحك عليي وباعني بسعر غالي.
٣- الفرق بين الشراء والمبيع يجب ان يكون ٥٠ نقطة، قد يصبح ١٠٠ في حال كان سوق ضائع متل اليوم، او ٣٠ نقطة اذا السوق هادئ.
اذا رحت اليوم عند الصراف وقلتلو: قديش الدولار قال ٣٢٠٠ وحسيت في شي غلط بسألوا قديش بتبيعني دولار؟ اذا قال ٣٢٥٠ يعني السعر حقيقي واذا قال ما عندي دولار يعني كذاب
٤- اذا قلت للصراف بيعني دولار وقال ٤٣٠٠ وحسيت السعر مريب، بقلو معي ١٠٠$ قديش بتشتريها مني؟ اذا قال ٤٢٠٠ او ٤٢٥٠ يعني سعر المبيع حقيقي. اذا قال مقطوع من اللبناني او مش عم بيع ، يعني السعر غير حقيقي والصراف كذاب.
