راح اكتب تحت هذه التغريدة بعض النصائح تخص سنة الامتياز (لاحظتها و تعلمتها و نُصحت بها) بالعناوين:
- الدوام و الروتيشن
- اختبار الهيئة
- التقديم لبرنامج التخصصات
- السيرة الذاتية
ان شاءالله تكون ذات فائدة♥️
الدوام:
-احترم كل تخصص تداوم فيه
-الوقت الوقت الوقت الوقت الوقت لا تتاخر
- احترم زملائك اطباء الامتياز (احترم وقتهم واحترم جهدهم في توزيع المهام خصوصا من يكون معك في المجموعة)
- كل تخصص تروح فيه استغل انك تتعلم حاجة منه مهارة او معلومة لا تقول هذا دور الرزدنت المتعة في الامتياز
-انضبط و انتبه لتصرفاتك مع الجميع (طبيب امتياز، ممرض،طبيب مقيم، اخصائي، استشاري)…
وبالخصوص في التخصص اللي تبي تقدم فيه اترك سمعة طيبة (خُلقًا و عمل) لان بعد التقديم والترشيح الاستشارين المسؤولين عن التخصص في مكان ما راح يسألون اي شخص الشيف رزدنت و الرزدنت و زميلك و راح يسال اي احد لو عنده قريب يعرف دفعتك راح يسال عنك الموضوع مشابه للخطبة?وهذا يصير لاتظن ابالغ
- انت تنتقل من مرحلة الطالب الى الطالب الموظف فيها تتعلم و تطبق لذلك متوقع منك تداوم من الصبح الى ٣ / ٤ الا اذا هم يمشونك قبل فلا تجلس تتململ عليهم تعلم تصير احترافي في العمل
انك تسوي المهارات و تفشل و تزعل وبعدها تحاول مره ثانية وتضبط معك و تفرح. اقرا شوي لاتصير إمعة مو لازم كل شي لكن اقرا سطر لخاطر الله هذا لك
(قرات احد النصائح تقول سو خطة لك حق كل تخصص تتعلم من المواضيع وغيره خصوصا التخصص المرتبط في تخصص احلامك).
