عشان اللي مش متابع، أحمد الطنطاوي اتعرض لمحاولة اختراق لتليفونه. نوع الثغرة اللي استخدموها بيتدفع فيها ملايين الدولارات في العادة والهجوم على جهازه كان بتدخل من شركة فودافون مصر و"غالبًا" الحكومة المصرية نفسها

الهجوم خلى آبل تنزل تحديث طارئ لكل اجهزتها لعلاج الثغرة https://t.co/480zAYdRhW

الهجوم حصل عن طريق إن فودافون بتستهدف الرقم بتاعه تحديدًا بحيث لما يفتح أي لينك http

يحولوه لموقع تاني ينزل برنامج تجسس على جهازه باستخدام ثغرة كانت غير معروف zero-day

الثغرات اللي زي دي بيتدفع فيها ملايين لأنها نادرة وبتتحرق لو اتعرفت لأن الشركات بتعمل تحديثات سريعة لعلاجها

يعني اللي بيبيع الثغرة بيبيعها مرة واحدة أو مرات قليلة. دا غير إن الشركات الكبيرة زي آبل بتدفع مبالغ توصل لملايين لو حد بلغ عن الثغرة دي ليهم

فلو حد اكتشف ثغرة زي دي وقرر يبيعها في السر أكيد هيبيعها أغلى من اللي هياخده من آبل

انا بصراحة متفاجئ من ذكاء الطنطاوي في التعامل مع محاولة الاختراق اللي خلاه يكلم منظمة متخصصة في الهجمات الإلكترونية ضد أهداف سياسية وهي @citizenlab

واللي خلاهم يبلغوا آبل بالثغرة وتتعالج بسرعة وتحمي كل مسخدميها من هجوم زي ده

@citizenlab دا المقال اللي فيه كل التفاصيل من @citizenlab

https://t.co/nZ4dT9AxT6

ودا ثريد من باحث في citizen lab كان أول واحد نشر الخبر تقريبًا

https://t.co/rCVQyB84EX