بص يا صديقي عشان مش وقت فزلكة ? .. (البيض الأبيض ) هو ( البيض الأحمر )هو ( البيض البلدي) مفيش فرق ، او فرق طفيف بنسبة اومجا 3 و يكاد الفرق لايذكر كمان ، يعني لما تقف عند السوبر ماركت اختار اللي سعره أقل و حجمه أكبر ونظيف وأسكت متعملش نفسك ناصح
أما الفرق في السعر ناتج عن فرق في كميه العلف اللي بتاكلها الفرخة البيضه عشان تجيب بيضة لونها ابيض و الفرخة الحمرا عشان تجيب بيضة لونها أحمر وقصة حزينة بره عنك انت ملكش دعوة بيها
آه صحيح هتلاقي في بعض السوبرماركت طبق بيض ب ٦٥ج دا بيض بشاير وحجمه صغير ووزنه قليل و بيتباع ب ٥٧ج من المزرعة اساسا ويمكن أقل فمتفكرش نفسك ناصح برده ? و السعر مرتبط بوزن الطبق ..
الناس واجب أنها ما تتغرش بالعروض الوهمية وخصوصا علي البيض
البيض الرخيص مش معناه توفير
البيض الرخيص هو واحد من ثلاثة
- بيض تفريخ مخصب غير صالح للمائدة
- بيض قاربت صلاحيته علي الانتهاء
بيض وزنه قليل (سواء كان بشاير أو حالة مرضية)
البيض العتيق أو الكبير (وزن ١٨٥٠ جم/الطبق فيما فوق) هو الأرخص فعليا والأعلي قيمة غذائية
شرط انك تحاول تشتريه من مصادر أمينة وموفرة (يفضل تاجر بيض جملة)
