قابلت احد المصممين قبل أيام وخذرني من شغلات صحية عانى منها ووجب علي كمصمم تذكير نفسي اولا ثم الكل ♥️
قالي يوسف انا حاليا :
- عندي بحسابي لا يقل عن 200 الف ريال.
- عندي سيارة آخر موديل.
- بيتي ملك والحمد لله ومتزوج.
- اسافر كل سنة ٣ مرات.
وهو عمره ما تجاوز 30 سنة...
قلت له ما شاء الله تبارك الله الله يزيدك هذا شي مررة حلو ?
قال بس يوسف تعرف وش صار لي بالمقابل؟
يقول انه لانه يجلس على الجهاز كثير عشان يقفل كل الشغل جته بعض الأمراض :
- بواسير ( الله يكرمكم).
- الركب سوا فيها عمليتين.
- ضمور ببعض العضلات.
- عملية تقوية للعمود الفقري.
قال وأشياء ثانية ما ابي اقولها صراحة...
قلت له السبب كله من الجلوس الكثير على الجهاز؟
قال نعم، لأن شغله واجد صار يقعد فترة طويلة "بدون حركة" بعدها بدت الأمراض شوي شوي ?
طبعا اللي يعرف سوقنا زين، يعرف انه كلما تكرف اكثر وعندك علاقات كلما وصلت زي خوينا وأكثر...
الخُلاصة يا جماعة الخير يا معشر المصممين بليز خلونا ننتبه لصحتنا، والله ضاق صدري عليه ?
قعدت معه وقلت له وش كان برنامجك؟
قالي انا اداوم في احد الوزارات كمصمم واطلع على 5... بعدها ارجع البيت اكل اي حاجة واخذ بريك ساعة وعندي مكتب بالبيت ابدا فيه شغلي إلى الساعة 12 غالبا هذا برنامجي.. واخذ يوم بالأسبوع بريك مع زوجتي
برنامج مثل هذا مُهلك مُهلك ?
