#تدري إن الكويت استثمرت في قلب لندن وسوت وحدة من أنجح استثماراتها؟ ✈️??

نرجع لـ 2016، لما الهيئة العامة للاستثمار الكويتية @kia_information قررت تقتحم عالم الطيران الأوروبي باستثمار مدروس في مطار لندن سيتي.

بهالصفقة اللي قيمتها 2 مليار جنيه إسترليني، الكويت تملكت حصة 40% من المطار، اللي يعتبر واحد من أقرب المطارات لمركز لندن المالي.

خلونا نغوص في التفاصيل بـ #ثريد_بلو

ليش اختارت الكويت مطار لندن سيتي؟

مطار لندن سيتي يتميز بموقعه المثالي، 11 كم بس من وسط لندن.

مما يخليه المطار الأقرب والأكثر ملاءمة لرجال الأعمال اللي دايم في سباق مع الزمن.

هالمطار يوصلك لقلب لندن يختصر كثير من الوقت والمجهود اللي تحتاجه للتنقل داخل المدينة.

الأرقام تتكلم

• إيرادات 2023:

وصلت إلى £160 مليون، رغم أن الأعداد تأثرت بالجائحة، شفنا تعافي ملحوظ وحركة راكدة بإجمالي 3.8 مليون راكب.

• الأرباح التشغيلية:

بلغت £85 مليون، وهذا يوضح إدارة ناجحة وكفاءة في التعامل مع التحديات.

- التوسعات:

تم استثمار £500 مليون في تطوير البنية التحتية وزيادة السعة بهدف استقبال 8 ملايين راكب سنويًا بحلول 2030.

و من المتوقع يرفع الايرادات الى الضعف من الايرادات الحالية.

شركاء النجاح

الاستثمار ما كان بس بجهد الكويت، لكن كان فيه شراكة استراتيجية مع جهات عالمية مثل:

(GIP) الامريكية بحصة 25%

(OTPP) صندوق تقاعد كندي بـ 20%

(OMERS)صندوق تقاعد كندي بـ 15%

هذي الشراكات ضمنت إدارة ذكية واستثمار ناجح، يعكس التعاون الدولي في البنية التحتية.