#قصةفيسطور
#كناريا
دي هنية يوميا تصحى الفجر
تسحب جموستها
وعالغيط تعزق الارض
قيراطين ورثتهم
كانهم عمرها وعرضها
تروي الزرع خضار وشجرتين لمون
تفضل قاعدة لحد قبل المغرب بشوية
تكلم الارض كانها بتسمعها"ايوة بتسمعني دي ياما سمعت حكايات من ابويا وأمي وجدودي"
ترجع بيتها المغرب https://t.co/va2M0T13cD
تقعد جنب الشباك اللي بيطل عالترعة
ايديها علي خدها
تسرح وتشم احلى نسيم مغربية يرد روحها
تسمع هفهفة ورق الشجر العالي كانه بيكلم السحاب ويحكيله اجمل حكايات
تبص عالقمر اللي بيغازلها من ورا فروع الشجر وتضحك"ده غزل عمري ماسمعته من حد"
انهاردة هلال..انهاردة بدر منور..جريب..بعيد..!!
تسح ربها وتحمده
الناس تعدي وتسلم عليها"ازيك يامه هنية"
"ف نعمة وحمد وستر من ربنا"
كل اهل البلد بيحبوها
تعمل كبايتين شاي زي مامتعودة ليها ولحامد اخوها المعاق ذهنيا وكان عايش معاها
تملا احلى مية في قلتين فخار بغطيان وصينية دهبي
وتفتكر وصية ابوها قبل الموت"خدي بالك ياهنية من حامد..
ده اللي حيوديكي الجنة"
وهبت عمرها له وف عز جمالها رفضت الجواز حتي من حبيبها
كل يوم تتكلم مع الارض تحكيلها لما كانت تاخد حامد معاها كل شهر في زيارة لخالها المقيم في القاهرة في السيدة زينب تاخدله احلى زيارة ومتنساش اللمون الطازة والمعصفر اللي عاملاه بأديها
وتزور اهل البيت
وتجيب لأخوها الحاجات اللي عايزها وبيحبها
يرجع فرحان
بتفتكر لما كل مرة يفرح ويقولها"حتاخديني الفسحة الحلوة"اول ما تقوله "ياللا ياحامد جوم البسك الجميص والبنطلون"
كل مرة خالها يشوفها يقولها"آن الأوان بجا ياهنية تتجوزي"
ترد"انسى ياخال والغلبان ده اوديه فين"
خالها"يجعد معاكي"
