صراحة من جميع اشكال العملاء اللي اواجهم ما انصح احد يعمل بنزنس #تجاره_الكترونية في السعودية ابدا. لان اشوف المجتمع لسه ما يعرف ولا يفقه ايش يعني تجارة الكترونية وايش الخسارة المترتبة ولا يعرفوا يشتغلون ابدا غير اللي يكون اخذ خبره فيها من بره السعودية.
لان صراحة العميل هنا في السعودية لا يعرف كيف يكون عميل وهذا اساس موضوعي.
لو تسال العميل ايش يبغى ؟ راح يقول ابغا ابغا ابغا بدون تفاصيل دقيقة وبدون استشارات وبدون اي معرفة في نوع التجارة المقبل عليها للاسف.
ويجي العميل يقول: انت خسرتني، ضيعت وقتي، وما تعرف تشتغل.
والاسواء من ذا كلو يطالب باسترجاع فلوسه مع العلم ان العميل ما يعترف باي سياسات ابدا. فاكر انو المسالة بيع وشراء ملابس ما عجبه يبي يسترجع فلوسه في اي وقت وبمزاجه.
نصيحة للعملاء. قبل ما تبدا اشتغل تعلم كيف تكون "عميل".
حدد ميزانيتك وجهزها قبل ما تكلم اي شركة ( عادة الشركات تسال العملاء كم ميزانيتك فعادي جاوب حتى تحصل على منتجك بقد ميزانيتك)
حدد طلباتك والمنتج اللي تبغاه. اعمل تصميم (ماعندك شوف نماذج جاهزة لحتى اختار وما تحتار).
حددت؟ شفت؟ اخترت؟ وافقت؟
لازم تعرف معلومة مهمة في شركات البرمجيات ( مافي استرجاع اموال بعد البدء بالمشروع وخصوصا عند التنفيذ ) زي لما في شي اسمه حماية المستهلك هنالك حماية مقدم الخدمة.
#عقلكفيراسكتعرفخلاصك
