ثريد عن إنجاز مخفي ولم لمحه الإعلام السوداني المتخاذل

نحنا مشينا دولة أرتريا الشقيقة ممثلين منتخب السودان للناشئين وصلنا مطار أرتريا صباح يوم 23/9/2019 وكان إستقبال لائق الحمد لله وإتفاجئنا ليك بككمية الصحفيين لما تحس روحك كدا ميسي والله حاجه ما تخلص مشينا الفندق وقعدنا إرتحنا https://t.co/rqthggRw3Z

صحينا الصباح وكانت مباراتنا مع تشاد الشباب متحمسين كأول مباراة دولية تتلعب وطبعا اي زول شغال لينا تشاد ديل خطرين ونحنا ماشايلين هم لما بدت الكورة الناس كانت خايفه بعداك ختت الرحمن في قلبا وغلبناهم 2-0 مرقنا ليك فرحانين فرح ومن هناك مشينا مطعم الفندق اكلنا بي مزاج ومشينا الغرف

جا الكوتش ادانا ليك حوافز صرف لينا بالدولار الشباب فرحو وبقوا بتعرصو في بعض وكلو واحد بقول للتاني أوعا تصوروا لأمك المهم بعد جرعة الفرح دي رقدنا نمنا

اليوم التاني

مباراتنا مع رواندا لما جينا خاشين إتفقنا نخش بهتافات ثورة المهم خلعنا الناس دي كلها بالصوت والحماس لقينا أولاد رواندا صغار كده لكن لعابين كيف وأخلاقهم عاليه بس حجمهم مازينا غلبناهم 3-1

تاني رجعنا بنفس الحماس نظام وصلنا ربع النهائي وكدا حاولنا نوصل الكلام لأهلنا بتاع وصلنا نصف النهائي بس رئيسهم ديكتاتور ومانعهم من الإنترنت إلا بني برجز المهم سيبك من السايسة