مساء الخير....
? أخبار الكوكب ?
ولو إنتوا ولمؤاخذة مش متابعين أخبار الكوكب.....
بسرعة كدا ....مممم لا مش هنلحق حتى نعمل كوباية الشاي بالنعناع إحنا يادوب نستغفر ربنا و نلحق نعمل خير لآخرتنا و نودع الإسكندرانية....
و مطولش عليكوا وقولولي لاء طول....
،? إنجلترا....
أيون ... اللي ضحكوا عليكوا زمان وقالولكوا ان مكتوب في جواز المواطن البريطاني ستدافع المملكة المتحدة عن حامل هذا الجواز حتى أخر جندي على أراضيها وتتحرك الاساطيل من اجلك وكلام الهجص ده....!!
إمبارح بقا ولمؤاخذة فالكلمة يعني رئيسة مدينة برمنجهام اللي هي تاني أكبر مدينة ف انجلترا طلعت فمجلس العموم البريطاني وقالت يا ولاد الحلال أنا بأعلن إفلاس المدينة وحنلجأ للمادة ١١٤ فالدستور البريطاني اللي هو يعني إفلاس المدينة رسميا
وراحت راقعة بالصوت الحياني وشقت هدومها وقالت احنا مش هنعرف نسدد الديون اللي علينا ويادوب الفلوس اللي باقية معانا هنلم بيها الزبالة من الشوارع ومش هنعرف حتى ندفع مرتبات الموظفين ...
يسكت ريشي سوناك رئيس الوزارء البريطاني ع الكلام ده ..... أبدااا
راح قايلها إهدي بس يا ست حلويات مش نقصاكي إنتي كمان دا التضخم وصل ل ٦.٨٪ والبلد كلها مفشوخة حرفيا
بس ان شاء الله حتفرج وهيخلق فقضاه رحمة
