ودك تسوي #متجر_الكتروني؟
عندك عدة خيارات.
1⃣ تستخدم المنصات الجاهزة
2⃣ تستخدم انظمة #المتاجر_الالكترونية مفتوحة المصدر.
تابع الثريد حتى تفهم الفرق ⬇️⬇️
#التجارة_الالكترونية https://t.co/OeV2du1Bpx
1⃣ منصات بناء المتاجر الالكترونية الجاهزة
فكرتها باختصار، انك ما تحتاج تكون مبرمج او تقني! لانك تقدر تسوي متجرك الالكتروني بدقايق وبمميزات جيدة نسبياً.
كل اللي عليك تسويه انك تعبي نموذج انشاء #متجر_الكتروني وكذا صار عندك متجر!
السلبية الوحيدة باعتقادي في المنصات الجاهزة، انك ما تقدر تخصص شكل المتجر وخصائصه على كيفك، لانك مرهون بالمميزات الموجودة في المنصة نفسها.
لكن ايجابياتها كثيرة، ما تحتاج تدفع مبلغ كبير، ما تحتاج فريق تقني، ما تحتاج تربط مع شركات شحن ودفع الكتروني.
بس سوق لمتجرك وتبع مبيعاتك!
بالنسبة لي وحسب تجارب الأصدقاء، ارشح لكم منصة عربية ممتازة.. صحيح انهم منافسين لنا ? بس شغلهم عدل ولطيف ?
المنصة هي منصة سلة @SallaApp
منصة سلة عندهم باقات ممتازة تبدا من صفر ريال بشهر لين 299 ريال/شهر
شفها من هنا
https://t.co/DOScv0Supl
عندكم ايضاً منصة زد @zidappcom لطيفين وشغلهم ممتاز.
والحلو عندهم انك ما تحتاج تدور شركات لوجستية او شركات دفع الكتروني لانهم موفرين لك هذا الشي.
ايضاً عندكم منصات اجنبية مثل @Shopify لكن مشكلتها معقدة شوي وتحتاج بعض الخبرة التقنية.
لذلك خلكم عند العرب وادعموهم ?
