مع الانهيار الاقتصادي العالمي مافي دعم خارجي جاي.
مع التقفيل
مافي صادر طالع
مافي وارد جاي
ما في طلب دولار
نعمل نفرة نصلح المصانع والمحالج
ندعم الشباب يزرعو
يحصدوا
يربو مواشي
نزع ذرة دخن
نستعد للسمسم
ندعم الشباب بمعاصر زيوت
بمصانع صابون
مصانع أعلاف
نرتب أسواقنا
وبيتنا الداخلي
نستفيد من الظروف الحالية ونقفل البلد لمدة سنه
نعمل تعداد سكاني
تعدد للحيوانات
نضع خطة استراتيجية
نخزن الدهب
عندنا 7 مسالخ حديثه نظبطها
نزيد المسالخ
عندنا أكثر من 25 محلج نظبطهم
مصنع بابنوسه للبن اشتغل نظبطه
نشغل مصانع الملابس الواقفه
نشغل مراكز بحوث الحيوان والنبات
ندرب الكوادر
نشغل كل مدابغ الجلود القديمة ونعمل لها تحديث
ندرب وندعم الشباب يصنعو احذية
وشنط
مافي جلد خام يطلع
نحلج القطن ونغزله
ونصنع ملابسنا
وندعم الشباب يصنعو ملابس الأطفال والداخلية
نزرع الفول ونصنع منه زيت
ودكوه والباقي علف
نأكل مواشينا معانا
وزيتنا في بيتنا
الجوه جوه والبره بره
سفر وفود خارجية مافي
الدايرنا يجينا
والدايرنو واتساب وايمو واجتماعات بالفيديو
سياحة خارجية مافي نسوح في بلدنا
علاج خارجي مافي نصلح مستشفياتنا
تسوق خارجي مافي نتسوق منتجاتنا
عرس فردي مافي
عرس جماعي كل شهر
صرف بذخي مافي
نوفر نزرع ونصنع
كوره خارجية مافي نلعب جوه لما نتعلم
ما ح يكون في عرس بذخي ولا حفلات تكون حفلة وعشاء في ساحة الحرية وكل زول يجيب عروسه ويشارك بالعنده في التكاليف وبعد الحفلة سياحه داخلية قصيرة.
قصور الأفراح تتحول لمعامل تصنيع..
ورش خياطة.
الفناننين يغتوا في أماكن الإنتاج والمزارع.
تويتر وفيس بوك يشتغل 4 ساعات مساء فقط.
