1- #احتياطاتالسودانلمنع_كورونا لمريضة رقم 31 ..

المريضة الكارثة .. التي هزمت دولة باعظم الامكانيات .. بسبب استهتار وعناد .. وجهل

اول حالة اتشخصت بفايروس كورونا في كوريا الجنوبية كان يوم 20 يناير و تم عزله بعدها اتشخصت 30 حالة وكان الوضع تحت السيطرة ..

2-

لغاية ما ظهرت اختنا دي واللي حملت اسم المريضة رقم 31 !

و غيرت سياسة دولة كاملة واهدرت كل امكانياتها الطبية وخلت اسمها يحتل كل نشرات الاخبار كثاني بؤرة بعد الصين بل واصبحت معيار عالمي لقياس سرعة المرض خارج الصين ..

اختنا واحد وتلتين دي

3-

عملت حادث حركة و دخلت المستشفي يوم 6 فبراير

ولمن طلب منها الاطباء اجراء الفحص رفضت ..

بعدها ركب طيارة و سافرت للعاصمة سيول تقضي ليها موضوع كده و و ادتهم كورونا في فتيل ورجعت ..

وطبعا هي زولة متدينة وح تعيط من الايمان ..

مشت حضرت مناسبتين دينيات حضورهم كان بالالآف ..

4- سلمتهم الكورونا شركة ..

وبعد الصلاة كمان مشت اتعشت في بوفيه مفتوح .. وبرضو لمن ظهرت عليها زيادة في الاعراض رفضت تفحص ..

المهم لمن انتكست و ركبت الماسورة وافقت تفحص يوم 17 فبراير ..

اها الزولة دي اختلطت بي 9300 نفر ..

وعادت منهم 1200 نفر .. مابين حامل للاعراض ومصاب اصابة مؤكدة

5-

الاحصائيات الطبية بتؤكد إنها اتسببت في 63.5٪ من الإصابات في كوريا .. اللي بتبلغ الان 8200 وفيهم 72 حالة وفاة ..

الزولة دي ما غبية ولا ساذجة ولا قاصدة ..

الزولة دي زولة زينا كده .. عندها الاستهتار البشري العادي ده ..

اللي ممكن يخليك تمشي جمبة جبنة في الحلة ..