(كيف أتعلم كتابة المحتوى؟) ? أكثر سؤال يتردد علي..
راح أتكلم عن تجربتي، والطريقة اللي أشوفها مناسبة،
ولا يعني هذا إنها هي الطريقة الوحيدة أو الأصح حتى تصير كاتب محتوى. ?
بل يوجد عدة طرق للنجاح.. وأيضاً تختلف الطرق باختلاف هدفك في نوعية المحتوى اللي تبي تتعلم كتابته. ??
⬇️
• أنا أكتب محتوى إبداعي يحتاج لنَفَس طويل مثل: نصوص أفلام - مقالات - تعريف بالمشاريع - تغطيات إعلامية - بودكاست.. إلخ.
- أكتب بالفصيح بشكل سلس.
ذكرت هذي المعلومة حتى أوضّح لك نتيجة المسار اللي سلكته، أما إذا تبغى توصل لنتيجة أخرى مثل كتابة الإعلانات قد يناسبك مسار آخر. ↩️
أولاً: اكتب أي شيء عن نفسك: تجاربك / أفكارك / مواقف حصلت معك / هواياتك / رغباتك.. إلخ
وكتابتك هذي لازم:
١- تحتوي على قيمة أو هدف محدد توصّله للقارئ.
ما ينفع بس كذا سواليف من غير هدف توصل له. ❌
٢- اكتبها بالفصيح فقط.
ممنوع إدخال العامي على الفصيح. ❌
• ليه أكتب عن نفسي؟ ليه ما أكتب عن أشياء ثانية؟
لأن هذي التدريبات تقدر تسويها وتصحّحها مع نفسك (لأن ما عندك مدرّب غير نفسك) فإذا كتبت عن فكرة في مخك تقدر مع قراءة نصّك تسأل نفسك:
هل كتابتي توصّل بالضبط نفس الشعور اللي أنا أحس فيه؟ أو ممكن أعدل هنا، أو فيه كلمة أحسن أضيفها هنا؟
وتدريب الكتابة يختلف تماماً عن تدريب الرسم أو التصميم، لأن في الرسم مثلاً أمامك نموذج تحاكيه، فتقدر تقارن رسمتك بالنموذج وتستكشف مواطن الخلل فيها وتقوّمها.
أما في الكتابة لا يوجد نموذج أمامك تحاكيه ١٠٠٪ ❎
فالمقارنة تكون ما بين الفكرة المكتوبة في نصك والفكرة الموجودة في عقلك. ✅
