ليش لمن اروح عند اخصائي يقلي نزل النشويات من نظامك؟ هل النشويات اساس السمنة؟؟
النشويات مهي اساس السمنة
و دحين اقلكم بعض الاسباب اللي تخلي الاخصائين في كثير من الاحيان ينصحوا بتقليل النشويات.
شارك التغريدات لو استفدت عشان تفيد غيرك
#سالوبريتي
اول شي اساس عمل اي نظام غذائي للوصول للهدف هو مقدار السعرات الحرارية اللي بتاكلها مقارنة باللي يحرقه جسمك
فا اللي يبا يقلل وزنه، ياكل اقل من احتياجه لفتره زمنية كويسه و حيشوف تغير
سواء كان النظام عالي النشويات متوسط او قلبل او كيتو او نباتي، الاساس هي السعرات...
طيب معنى الكلام اللي فوق انه الاشخاص اللي بيعانو من زيادة الوزن بياخدوا سعرات اكثر من اللي جسمهم بيحرقوا عشان كده وزنهم بيزيد، مو نشويات! سعراات؟
حلوين لو المساله سعرات ليش اول شي نقلل الكارب
بشكل عام النشويات هي المصدر الاساسي لاغلب المطابخ العربية و العالمية، رز، باستا، خبز، فواكه، كل شي تتوقعه حيكون الطبق الاساسي فيه النشويات
حتى المقالي زي البطاطس اكيد النشويات اكثر من الدهون، تروح تاخد رز و لحم حتلقى رز مررره كثير و شويه لحم، البرغر معاه خبز و صوصات و بطاطس
حتى الوجبات الشهيره انها بروتين و دهون زي وجبة الاضلاع مثلا، حينحط جنبها بطاطس، وذره و عصير و طبعا صوص الباربكيو عالي بالنشويات،
المعجنات و الكورن فليكس و اغلب امور الفطور الاعتيادية تكون عاليه بالنشويات
جميع انواع الحلويات و الشيبس و العصيرات غاابا المصدر الاعلى فيها النشويات
