هي إسمها فلافل ولا طعمية!؟..

المعضلة الأبدية بين الاسكندرانية وسكان الدلتا..

نحلها ازاى نشوف

الفول مش أكلة الفقير خالص، بالعكس دا أكله المصري الاصيل..جدك المصري القديم مش بس برع في الهندسة والطب والفن والبناء والفلسفة والادب، لأ دا برع كمان في علم التغذية..جدك المصري القديم

يتبع https://t.co/ezLtNlTDeE

يومه كان مليء ببذل الجهد والتعب والعمل، فكان لازم يدور على غذاء مناسب يديله طاقة مناسبة تخليه قادر يشتغل زي الوتد، وبجانب أكل التوم والبصل والشعير مع السمنة، قالك الحبوب هي الحل وبالأخص الفول.

الفول دا كان لحمة المصريين القدماء! أكله سبحان الله بتملى معدتك وتشبعك وكأنك واكل لحمة

وتقعد طول اليوم شبعان! حرفيًا كانوا بيتعاملوا معاه زي اللحمة وبديل ليها، ومش عشان رخيصة خالص لأ، دا هي بقت رخيصة عشان هما زرعوها بكثرة عشان يقدر كافة الشعب ياكلوها! الأكلة الرسمية الشعبية للمصريين من عصر الهرم الكبير، هو الفول.. وبرعوا بقى في طُرق اعداده والتوابل والطماطم والتوم

والبصل زي ما أي عربية فول بتعمله دلوقت بالظبط.

أشهر الطرق إللي كان اجدادنا بياكلوا بيها الفول، هي طريقة الفول المدمس اللي أمك وأمي بتعملها في القدرة.. كانوا بيجيبوا حبوب الفول مع مياه في زلعه كبيرة زي بتاع المش، ويروحوا يحرقوا فحم وقش وغيره في فرن، ويدفنوا الزلعة أو القدرة دى

في وسط الرمل والفحم المولع ويسيبوه شوية لغاية ما يستوى خالص.. كل شوية يزودوا مياه لغاية ما يكمل طهوه خالص، وبعدين يطلعوا منه ويحطوه في أطباق مع التتبيلة والخضار وياكلوا.

ودي نفس الطريقة اللي إحنا لسه بناكل بيها الفول حتى الآن، بإختلاف اننا بقينا نعمله في قدرة نحاسية او معدنية