الطفلة تقصقص حاجات بالبيت

والأم عجزت عنها

فهددتها انها اذا قصت شيء آخر

انها بتقص راس دميتها

---------

هالأسلوب

اثره زي الضرب

ممكن يعطي نتائج فورية لكن يخلق مشاكل أكبر

لكن في نظرنا يالأهل "أهم شي يوقف السلوك!"

وبالتالي نحسبه ناجح

فما نشوف أبعد من خشومنا

طيب والحل يا فالحة يا سارة؟ https://t.co/ZtHVxB0Wvk

من هذا المقطع ما نعرف ايش الحل

الخفايا كثيرة

لازم نعرف السبب

فما أقدر أتفلسف

لكن لو كان لمجرد انها تحب القصقصة

فراح اعمل لها سلة قص

واطلب منها تجمع حاجات معي من البيت تحب قصها وتصير تقص بس من هذه السلة

ولو طلبت تقص الستارة مثلا فأقول لها ما نقدر نقص الستارة لكن اجيب لها

قماش ستاير من محلات الستاير

مثلا مثلا مثلا

ودامها تساعدني في اختيار المواد فهذا بيساعد على التزامها.

سويتها مع ولدي يومه صغير وبيجرب اثر الحرق على المواد

بدل ما اخلي الفضول يقوده للتوزي وايذاء نفسه

طلعنا للحوش وشبيت في الموقد

ويلا هات الي تبي نجرب فيه

فصار يطلب مني نشب كلما بغى

وبرضو كان عندنا طفلة تمسك المقص وتقصقص ملابس ركن المنزل فلما سألتها عن السبب قالت "أبي أصلح تنورة"

فجبنا لفصلها تول ملون عشان يقصون منه شرائح ويعملون تنورات بربط الشرائح على حزام.

طبقنا تعلم مدمج

(لغة - فن - خياطة - رياضيات)

وبس والله

طبعا كل الحكي السابق لو كان احتياج الطفل

سطحي بسيط بدافع الفضول لا أكثر. لكن لو كانت لأسباب نفسية عميقة فالأخصائي النفسي أولى بالتعامل مع الأسرة.