السلام عليكم
حأحكي ليكم رحلتي في علاج الجيوب الأنفيه وضيق التنفس (الربو)
…
انا عندي ربو وجيوب انفيه حساسية الجيوب الأنفيه كانت حاده ، في بعض الايام لو ما بلعت انتستين ما بقدر انوم
وحكه في الحلق واكوله في الأذن وجوووطه
طبعا كالعاده بديت بالعلاج الشعبي
بعد ما خلصت الدكاترة في الخرطوم
والسعودية
والهند
عسل وكمون
وكول (ناس الغرب بعرفوه)
دهن ساق النعام
ما خليت صفق شجر حايم ما غليته وشربته
عندها استسلمت للمسكنات
بخاخ فانتولين بكون معاي طوال الوقت
وحبوب انتستين او قطرة مهدئه
طبعا كل البخاخات جربتها ..
فبقيت متعايش معاها
بمسي المستوصف تقريبا كل شهر باخد اوكسجين مع حقنة كورتيزون
وبعدها اشتريت نيوبلايزر
ومعاه كونفيرتر لأنث انا بسافر كتير
فدائما بيكون معاي
بكون في الخلا اتعب واحس بضيق تنفس
طوالي اسحب مل من سالبتامول مع مويه مقطرة 3 مل، اختهم في النيوبلازر واخد الاوكسجين
طبعا مره لدرجة فقدت الوعي في الخلا
الا لحقوني الشباب ودوني مستوصف
دا قبل ما لشتري النيوبلازر
اهلنا بقولو الغرقان يتعلق بالقشه
مشيت للقارئين للرقيه وعملت اكتر من 3 جلسات
ولاااا في تحسن
عملت حجامه
سباحه
مشي
كلو ما نفع
إلا انو في يوم من الأيام وانا جاي من مناطق المحس، كنت زارع كمون اخضر
وقفت في مدينة الدبه
