نصيحة : لو تعتقد ان تريبة صغارك تتعلمها تلقائيا عند ولادتهم وانها حاجة تجيك هكي من ربي فصدقني عن تجربة هذا غلط
حبك و خوفك عليهم ممكن يجيك من ربي لكن طريقة تربيتهم ضروري تتعلمها يعني تحتاج انك تقراء عن الاشياء هيا او تتفرج علي اليتيوب و تجوجل شبه يوميا لي تعلم شيء عن طرق تربيتهم
انا كنت نعتقد ان توا يجو الصغار و نلقي نفسي جاهز و نعرف كيف نتصرف و لكن طرق زي كيف توكلهم وكيف ترقدهم وكيف تغيرلهم و شن كميات الاكل و موعيدها و مواعيد النوم و غيرها تحتاج جوجل و تتغير بسرعة بما انهم الصغار يمر بمراحل جديد كل اسبوع تقريبا فنصيحة جهز نفسك كويس تتعلم كل يوم
حاول تتحق من و تتأكد من اي شيء ينصحك بيه جيل امك و بوك مش طعن فيهم لكن عالمنا الحالي يختلف تمام عنهم و مشاكلنا مختلفة و امراضنا مختلفة و في ابحاث و علم في وقتهم مش معروف و تم اكتشافه توا.
فحاول تتحقق من النصائح اللي تسمعها من الجيل الاقدم منك هلبة منها مش مبنية علي علم هلبة
ف ممكن تعرض نفسك لي صدمة ان لما يجيك صغار نوعا ما حياتك تتغير بشكل كبير و لو انت مش مجهز نفسك و متوقع شن ممكن يصير تجيك صدمة ممكن تصعب حياتك و تعرضك لي امراض نفسيا بسبب الصدمة هيا و تكون مضرة و خطيرة علي علاقتك مع زوجتك و صغارك ف العالم والعلم لم يفلح في فهم الامراض هيا وعلاجها
و علي فكرة الصغار اسواء من مديرك في الشغل لا يعرفو رمضان ولا غيره ولا معترفين بيه يعني كمثال حياتك في رمضان تصبح من 6:30 و الاكل قاعد في موعده و ثلاثة او خمسة وجبات و يتم اليوم ال 7 عشية يعني من التعب تفطر في رمضان و ترقد الساعة ١٠ ولا تقول عطلة لا غيره ?
