سنة 1993 اثناء ما راجل كرواتي عجوز كان بيصاد شاف طائر لقلق - حاجة شبه البجعة كده - مصاب نتيجة لبعض الصيادين اللي ضربوا عليه نار و هما بيصطادوا.

الراجل اخد الطائر عنده البيت و قرر يراعيه لحد ما يخف.

اتضح ان الطائر ده كان انثي ف الراجل قرر يسميها ميلينا ، لكن حصل مشكلة https://t.co/LbxRAeYUeo

بعد ما عمنا ضمد جراح ميلينا واكلها و عالجها و خفت الحمد لله اتضح ان الطلق الناري عمل مشكلة في جناحها و سبب ليها اعاقة و ميلينا خلاص فقدت القدرة علي الطيران.

ف الراجل العجوز قرر يكمل الاعتناء بيها و بني ليها عش فوق سطح البيت و اعتبرها زي بنته بالظبط لحد سنة 2001 https://t.co/cY86sJYHMW

الراجل العجوز كان هو اللي بيعتي ب ميلينا و يروح يصطاد سمك ليها و يأكلها و تركب معاه في عربيته و يتفسحوا كل يوم مع بعض و هي عايشة في العش بتاعها فوق بيته.

سنة 2001 بيظهر لقلق تاني في السما فوق بيت الراجل ، المرة دي ذكر ، و يبدأ يتقرب من ميلينا و يراعيها.

كل يوم الطائر الجديد ده يروح يصطاد سمك ل ميلينا و يأكلها و يقعد معها ، ف الراجل فهم ان ميلينا تقريبا كده بتحب ف قرر يكبر العش اللي فوق السطوح بتاعه و يسمي الطائر الجديد حبيب ميلينا " كلابتان ".

كلابتان بيقضي الوقت كله مع ميلينا و يراعيها لحد ما في يوم في اخر الخريف فجأة بيختفي

اختفاء كلابتان المفاجئ ده بيأثر علي ميلينا بشكل كبير ، بتبدأ ترفض الاكل و وزنها ينزل و حالتها الصحية بتتأثر يوم بعد يوم.

الراجل بيحاول معاها ، يأكلها شوية .. يخرجها تتمشي شوية لحد ما صحتها بتتحسن بس بردو مش بترجع لطبيعتها المرحة الاولي.

لحد يوم في أول الربيع؛ فجأة .. كلابتان ! https://t.co/XkBJoXaECy