#هسألكسؤالبسيط
الشاب المصرى اللى بيهرب على اوروبا ، وبيشتغل اى شغلانه هناك عشان المرتبات اعلى ، هل بيعيش و يصرف ويحط مستهدفاته زى ما كان حاطط فى مصر ولا بيغير كل حاجه !!
يعنى ، هل لسه عاوز يشتغل فى وظيفه بنفس المواصفات اللى كان حاطتها فى مصر ؟ ولا غير كل المواصفات?
وبقى بيشتغل اى حاجه حرفيا ، و بيشتغل حاجات كان مستحيل يوافق عليها فى مصر حتى لو بتكسب كويس !!
طب اشتغل وبدأ يجيب فلوس ، هل بيروح يشترى شقه تمليك 100 متر فى حته حلوه ؟ ولا بيترمى فى اى حي مع زمايله ، عايشين خمسه فى اوضه وصاله وبيخمسوا فى الايجار ؟
طب لو فكر يتجوز?٢
هل برضه هيجيب نفس الشقه التمليك و يبقى عاوزيفرشها بنفس الفرش اللى بيتكلم عليه فى مصر ؟ ولا بيجيب ستوديو 40م ايجار و يجيب سرير مستعمل وترابيزه و بوتاجاز مسطح وقضيت ؟!طبعا مش هنتكلم عن باقى مصاريف الجواز عندنا ولا الفرح !انت عارف وانا عارف الدنيا بتمشى ازاى بره وبتمشى ازاى هنا?٣
طب لو فرضنا اتجوز فعلا ، هل يخلف فى اول سنه ، ويلحق يخاويه فى السنه التالته زى ما كان بيفكر فى مصر ؟!! ولا بيأجل كل ده لحد ما يقف على رجله؟
طيب هل برضه بيشترى كل شويه هدوم جديده ، وياخد من ابوه وامه عشان مظهره قدام الناس ، ولا بيعتمد على نفسه ويعيش على قد دخله ?٤
وممكن يروح يشترى من محلات المستعمل ويستلقطله حته شكلها نضيف شويه ويغسلها فى مغسله عمومى كمان !!! ويمشى حاله !!
الفكره هنا ، انه بيروح اوروبا بيغير كل حاجه .........افكاره و احلامه اللى كانت جايباه وراه ، افكاره عن الشغل والوظيفه ، افكاره عن شقة الاحلام ، افكاره عن تجهيزها?٥
