في هذي السلسلة من التغريدات راح اشرح عن مسار الشهادات الاحترافية بمجال الامن السيبراني والمسار اللي اشوفه من وجهة نظري "الشخصية" بيفيد الكثير . ممكن يكون لشخص اخر مسار غير اللي بذكره لكن تبقى وجهة نظر ورأي شخصي.

بداية كل شخص مبدع في هذا المجال اساسه جيد في البرمجة والشبكات وانظمة التشغيل . لاحظوا اتكلم عن اساس .. لكن داخل مجال الامن السيبراني مجالات اخرى مثل"الويب ، الشبكات ، انظمة التشغيل وغيرها "

السؤال المهم كيف ابدأ ؟ ومن وين ابدأ .. كل شخص تشوفه متميز في هالمجال ماوصل بعشية وضحاها ، كان وصوله بعد تعب وسنوات وصبر لذلك قبل ماتبدأ النصيحة بتكون "لا تستعجل" راح تصل بإذن الله مثل ماوصلو لكن لا تتشوش وتدرس كل شيء في وقت واحد وتصير مالتي تاسك ثم تضيع نفسك لان الاساس اهم شيء.

نبدأ في الشركات اللي تقدم شهادات في مجال السكيورتي "بشكل عام " مثل : كومباتيا - ايليرن سكيورتي ، اي سي كونسول - سانس ، اوفنسيف سكيورتي ، سيسكو "فيما يخص امن الشبكات" والعديد من الشركات لكن اشهرهم اللي ذكرتها .

كل شركة تقدم مسار مختص بها من المستوى المبتديء الى المستوى الخبير ، وهذا ماسبب تضارب اليوم بالاراء بين الناس الشركة X افضل من الشركة Y والشركة Y معطيه مسار كامل بهالمجال .. هل من الضروري امشي على مسار كل شركة وادرس شهاداتها حسب ماهو مطروح ؟ بالتأكيد لا .