طيب عندي قصة اقتصاد صغيرة تمثل واحدة من #تحدياتالفترةالانتقالية اللي حتواجه البلد القيافة دي:

زول وصل فندق في بلد غريب، سأل من الغرفة قال ليه الراجل في الكاونتر الغرفة 100 دولار، صاحبك قال يشوف الاوضة في الاول، قال ليهو خت ال100 امنية واطلع شوفها، لو ما عجبتك تعال شيل قروشك ??

دفع القروش وطلع، قفل الاسانسير صاحبك بتاع الكاونتر شال القروش جرى المغسلة دايرين منو قروش اداهم المية. زول المغسلة شال القروش قام جاري البقالة البيشتري منها المنظفات دايرين منو قروش. بتاع البقالة شالها بدوره وجرى دفعها للجلابي المؤجر منه المحل مؤخر ايجار ??

الجلابي عنده واحدة (...........) دايرة منو قروش مديناه "ليلة" حولها ليها طوالي. البت شالت القروش وجرت الفندق ختت القروش في الكاونتر كانت جايبة ليها زبون متدينة ليلة...

اها زولنا الاول ما عجبتو الاوضة نزل شال مية دولاره وفات بعد حل دين الحلة كلها...??

دي ما نكتة، دا اقتصاد العالم شغال كده. الراجل العايز يأجر الاوضة دا انا وانت، والكاونتر البنك، والمغسلة قطاع الخدمات، والبقالة قطاع التجارة، والجلابي قطاع الانتاج والعقار، والبنية غسيل الاموال. وكله مدين كله...

تخيل لو في واحد منهم ما متدين، كان بتاع الكاونتر رجعها من خزنته ??

يللا الرقصة العالمية دي بتظهر في ال Vacuum العاملاهو الصين في العالم كون مافي زول داير منها قروش، وعشان كده عاملة دوشة لاقتصاد العالم ومقلقة ببلد زي امريكا...

اها الكلام دا كله وين التحدي فيه؟

??