ثريد

كلام غير محبب للسوشيال ميديا/الصحف/القنوات لكني مقتنع بيه، في حالة انتقال ميسي المرجح لباريس هيتكون لدى الفريق تشكيلة خرافية على الورق لفريق مليان مهارات لكنه في رأيي غير قادر على الفوز في جولة من ذهاب واياب في الشامبيونز امام فريق بأسماء أقل لكن اكثر تنظيما

1️⃣

الموضوع هنا ملوش علاقة بالحزن من رحيل ميسي، انا عموما غير مقتنع بفكرة النجوم المركزيين الكتير في فريق واحد ومش مقتنع انها ممكن تنجح حتى لو بيدربهم اينشتاين، انا كمان مقتنع ان بوتشيتينو مش هيكون عايز ميسي لانه هيعلي سقف الطموحات من فريق هو غير قادر للسيطرة التكتيكية عليه

2️⃣

فريق فيه ميسي ونيمار ومبابي، وهو مش معاه الكورة فيه ٣ لاعيبة كاملين مردودهم الدفاعي يتراوح ما بين (لا يعتمد عليه … الى صفر) وماتش الكورة زي ما بيكون معاك الكرة الخصم كمان بيكون معاه الكورة واي مدرب باتنين جنيه لما بيدرب بيعمل في اعتباره الاحتمالين بكل مشتقاتهم

3️⃣

فريق معندوش عمق هجومي ولا تارجت مان يقدر يستغل العرضيات، التلاتة هيكونوا بيحاولوا معظم الوقت يخترقوا العمق اللي هيكون غالبا هيقفله اي مدرب داخل في مواجهة امام الثلاثي

ملحوظة

وقت الMSN برشلونة كان بيمتلك نسخة مختلفة تكتيكيا من نيمار ونسخة اصغر سنا من ميسي وكان بيمتلك سواريز

4️⃣

بالتالي اي محاولة للمقاربة بين نيمار الجناح سابقا واللاعب صاحب الحرية المطلقة حاليا هو ببساطة مجرد تخيل لان اللاعب مجرد اسم وامكانيات ومادام الاسم والامكانيات لسه موجودين فالعطاء هيفضل زي ما هو بغض النظر عن اي اعتبارات تكتيكية

5️⃣