اكيد اللي احيا مشروع المواني المصرية من تاني وعظم دور قناة السويس بازدواج المجرى الملاحي و غير شكل البنية التحتية في مصر من قطارات لطرق لتأهيل مستشفيات ومدارس واللي رفع تسليح الجيش المصري بشكل غير مسبوق واللي قضى على فيروس سي وبدأ مشروع التأمين الصحي الشامل واللي احيا مشروع توشكى https://t.co/13jjBpQpZK

من تاني وبطن الترع والاهم ان بيخلق دلتا جديد في المنطقة الغربية وعمل اكبر محطات معالجة ثلاثية لاعادة استخدام المية في بحر البقر والحمام غير عشرات المشاريع الفرعية من مصانع ومتاحف وملف العشوائيات والقضاء على معظمها، اكيد ماكنش برنامجه عربية خضار للخريجين،عندنا ازمة اقتصادية عنيفة

عندنا تحفظات كتير في المجال السياسي و الاعلامي وارتفاع الاسعار والتضخم وتآكل الطبقة المتوسطة و انخفاض قيمة الجنية، تقدر تناقش وتشاور على المشاكل دي من غير ما تبخس الراجل شغل ومجهود ١٠ سنين، الانصاف بيقول كده حتى لو بتكرهه

ده غير محطة الضبعة النووية اللي فضلت حلم على ورق سنين وكانت ارضها بتتنهب علشان بعض رجال الاعمال كانوا عايزين يحطوا ايدهم عليها، ممكن نختلف على اولويات مشاريع او طريقة تنفيذها او حتى توقيتها لكن لا يمكن ننكر حجم الشعل اللي تم في السنين اللي فاتت والا نكون عميان