ثريد: 1/14

عن رفعت الأسد الصغير (أيمن عبد النور):@aabnour

التقيت بالسيد أيمن عبد النور بواشنطن في تموز 2013. الدنيا رمضان وأنا صايم ولحالي، قررت روح أفطر بمطعم زنوبيا للأخت العزيزة فرح الأتاسي.

دخلت المطعم قبل آذان المغرب بشي 10 دقائق. بالمدخل لقيت فرح واقفة مع أيمن عبد النور

2/14

سلمت على فرح ورحب فيني أيمن "أهلاااا أبو حميد"

قلتله لا حبيب.لا أهلاً ولا سهلاً. قبل ما تسلم علي بدك تعتذر على الحكي يلي قلته بحق والدي وقت كان معتقل بسوريا وعلى الحكي السيء يلي حكيته بحق المعتقلين السياسيين(هيك بالحرف)

المهم، الرجل المرحب السمح اختفى وطلع الشبيح الحقيقي

3/14

• أنا بدي اعتذر؟ على شو؟

• على الحكي يلي قلته على قناة الجزيرة عام 2005. قلت أنه والدي سجين جنائي (مجرم يعني) وأنه القانون رقم 49 قانون مدني مرره البرلمان بسوريا والمحاكمات عم تصير على أساسه، وبررت للسلطة أنه ترمي والدي بالسجن.

• أنا ما حكيت هيك حكي، كلامك مو مزبوط.

4/14

هون أنا حاولت ذكره لأنه قلت ممكن عنجد يكون نسيان أنه حكى هيك. وقتها ما كان معي رابط المقابلة يلي عملها أيمن عبد النور على الجزيرة (الرابط أدناه)

• مبلى أنت قلت هيك بحلقة برنامج "أكثر من رأي" على الجزيرة وكان معك الدكتور برهان غليون ضيف ورد عليك وقتها، أنا متذكر الحلقة تماما

5/14

• خراي على المعارضة كلها أصلاً. أنا صرمايتي بتسوى المعارضة (رفع رجله وأشار لبوطه بيده). حرفياً وبدون أي مبالغة.

• أصلاً هدول الناس كلهن أنا شهرتهن وعملتهن. ميشيل كيلو وأبوك (علي العبد الله) وفايز سارة. ما حدا كان سمعان فيكن لولا النشرة تبعتي... أنا عملتهن كلهن...إلخ