#شخصيات_مصرية
على اسم “مصر” التاريخ يقدر يقول ما شاء زي ما قال عمنا “صلاح جاهين”، والنهارده التاريخ هيحكي باسم “#مصر” حكاية جديدة بطلتها بنت من بنات مصر اسمها “رشا قلج”.
الحكاية ابتدت لما الدكتورة المصرية “رشا قلج” قررت تسيب بصمة إنسانية في قارة أفريقيا،،، https://t.co/rKd5qzDJkm
ونجحت في إطلاق مبادرات إنسانية في مجالات مختلفة كان أبرزها المرأة الأفريقية والتنمية المجتمعية، والنهارده اختارتها مجلة “نيو أفريكان” البريطانية باعتبارها المدير التنفيذى لـ “مؤسسة ميرك الدولية الخيرية” ضمن قائمة ضمت أكثر 100 شخصية تأثيرًا ونفوذًا في أفريقيا في 2019.
،،،،، https://t.co/1ODg7v7T46
القائمة ضمت 100 شخصية من مختلف الدول الأفريقية، ومن مختلف المجالات السياسية والاقتصادية والاجتماعية والرياضية، وكان النجم العالمى “محمد صلاح” والدكتورة “سحر نصر” وزيرة الاستثمار والتعاون الدولي ضمن المتصدرين فيها خلال السنين اللي فاتت.
،،،، https://t.co/uuNhrKGgDV
دول أفريقية كتير مسمية الدكتورة رشا “ماما أفريقيا” تقديرًا لإنجازاتها اللي قامت بيها في مجال العمل الخيري الأفريقي، ونجاحها فى إطلاق حملة “أكثر من مجرد أم” اللي هدفها الأساسي كان مواجهة العنف ضد المرأة الأفريقية اللي اتحرمت من نعمة الأمومة،،،،
ونجحت في إنها تخلي مجموعة كبيرة من سيدات الطبقة الحاكمة في أفريقيا يشاركوا فيها.
مبادرات “قلج” نجحت في 35 دولة من دول العالم، ده غير برامجها المجتمعية اللي كان أهمها تأهيل المرأة الأفريقية المحرومة من نعمة الأمومة ماديًا ومعنويًا،،،
