#ثريد

#الأتغير_شنو؟!!..

زمان عادي جاركم يجيبك في البيت يقول ليك نحنا مسافرين البلد أخواتك البنات ديل براهم أمشي أحرسهم..

زمان عادي تجي طالع الشارع تلقي مرت جيرانكم أو بت جيرانكم شايله كيس وماشه تسأله ماشه وين؟!!..

تقول ليك البقاله ولا الفرن تشيل منها الكيس تقول ليها أرجعي + https://t.co/jYqkOTsquo

البيت أنا بجيبهم ليك?..

زمان كان عادي لو الملاح في بيتكم ماعجبك تمشي بيت جيرانكم وتخش المطبخ توش تكب براك تأكل ?..

زمان ماكان في ده ود فلان وده ود علان كان إسمهم أولاد الحله?..

زمان كان لمن تشوف أبو أولاد جيرانكم جاي من بعيد وشايل حاجات كتيره تجري تمشي تشيل معاهو توصلو

للبيت..

زمان أمك ترسلك لي سابع جار تقول ليك أمشي قول ليهم أمي قالت ليكم دايره ملح..

والشي الغريب المره تقسم البرطمانيه النص وتديك ليها وتقول ليك قول ليها دي حاجه بسيطه..

زمان كنا بنقول لي بنات الحله كلهن أختي ولي نساوين الحله أمي ولي رجال الحله أبوي

زمان لمن يلقاك زول أكبر منك في الحله غلطان بدقك ويكفتك وأنت مابترفع عينك تعاين ليهو..

ولو مشيت وريت ناس البيت يقول ليك لو ماكنت غلطان ماكان دقاك ..

خلاصة الحديث ?

#المختصرالمفيدالاتغير_شنو؟!!..

@Rattibha