السؤال الأعظم : جمعت ٥٠ أو ١٠٠ ألف ريال وحابب استثمرها .. في ايش أستثمر ؟!
طيب هنا حاسألك على طول : ايش هي خطتك الاستثمارية ؟
حتقولي اوه .. يعني لازم أحط خطة أول قبل ما أبدأ ؟!
أقولك طبعا لازم .. الاستثمار أساسه التخطيط ..
تابع معايا عشان تعرف ليش ??
#الاستثمار_للجميع
خلينا نفترض إنك عايش لوحدك .. وتحتاج سيارة وقررت تشتري وحدة .. هل تتوقع إنك بتشتري سيارة عائلية ؟! اكيد لأ طبعا .. و طبيعي العكس صحيح .. الموضوع معتمد على حاجتك الشخصية !
الاستثمار نفس الفكرة .. كل نوع من انواع الاستثمار يلبي حاجة معينة للمستثمر .. مقنع الكلام ؟! ?
نبسط الفكرة .. لو تبغا تسافر من جدة إلى الرياض .. حتسأل نفسك أول شي .. كيف حتروح ؟ بسيارة ولا طيارة ؟ باص ؟؟ طب ايش الفرق ؟ لو ما عندي سيارة .. حأشتري سيارة ؟ ليش لأ طبعا ؟ إيش الفرق بينهم في الوقت والتكاليف ؟! .. اختياراتك للرحلة وتفاصيلها قبل لا تبدأها اسمها خطة الرحلة ?
يمكن الفكرة انو احنا ما نفكر بطريقة واضحة في طريقة وضع الخطة خصوصا للأشياء اللي متعودين نعملها (رايح قهوة مثلا : الوصول + الوقت + تكلفة الكاسة .. الخ) .. لكن لأن الاستثمار موضوع جديد علينا .. حنعامله ببساطة بطريقة واعية أكثر ونبني له خطة بطريقة أوضح ?
لو قررت تشتري أسهم مثلا بالمبلغ اللي معاك بنية تبيعها اذا ارتفعت قيمتها .. فعليا انت مو قاعد تستثمر .. انت بتشتري وتبيع فقط .. تربح أو تخسر (مثل التجارة) ! طيب ليش هذا ما أسميه استثمار ؟؟ خليني أشرحلك ?
