تعالوا أحكيلكم قصة لطيفة كده بمناسبة ماتش إنجلترا واسكتلندا بالليل.

في السبعينيات، القدر جمع بنتين في إسبانيا اسمهم مايتي ماتيوس وماريا مينديولا، القاسم المشترك بينهم إنهم كانوا بيرقصوا فلامنكو وبيقدموا عروض فنية.

عملوا دويتو، ولفوا على صالات العرض بستايل الديسكو بتاعهم..

لكنهم فشلوا لأن الستايل ده ماكانش رائج في إسبانيا، لحد ما انتهى بيهم المطاف في فندق في جزر الكناري، بيقدموا عروض فنية للسياح.

من حظهم إن شافهم راجل أمريكي كان مدير في شركة تسجيل غنائي، وطلب منهم يسافروا هامبورج عشان يعملوا اختبارات. https://t.co/mU3ASFMo73

لما وصلوا هامبورج، اتطلب منهم يغنوا أغنية إنجليزية اسمها Yes Sir, I Can Boogie

هوبا الأغنية طلعت حلوة، مضوا العقد واتسجلت وعملوا duo سموه Baccara

غنوها على الهوا في التليفزيون الألماني، وفي خلال 3 أسابيع باعوا 40 ألف نسخة!

https://t.co/9Gu1HEEqot

مفيش كام شهر وطلعوا غنوها لايڤ على بي بي سي، الناس في إنجلترا اتجننوا بالأغنية وبقت الأكثر مبيعًا سنة 1977.

مبيعات الأغنية وصلت أكتر من 18 مليون شريط حولين العالم.

لكن بحلول 1982، مايتي وماريا اتخانقوا وفشكلوا الـ duo، وبعدها دخلوا في طي النسيان... لحد السنة اللي فاتت!

الأول خلينا نرجع لسنة 2015.

أندرو كونسيداين، مدافع اسكتلندي بيلعب في أبردين، كان هيتجوز، وأبوه وأعمامه وأولاد أعمامه قرروا يعملوله حفلة وداع عزوبية مختلفة شوية.

لبسوه costume نسائي، مع باروكة ومكياچ، حطوه في تاكسي، وخدوه على استوديو كبير عشان يسجلوا أغنية. https://t.co/0hQS3vXm7e