#كورونا_مصر
برغم أن نسبة الموت من فيروس #كورونا COVID-19 فقط 3.4%، ونسبة الموت من فيروس SARS كانت 9.6%، إلا أن وفيات كورونا لحد دلوقتي بس في خلال كام شهر بلغت 3 أضعاف وفيات سارس طول السنين اللي فاتت. والسبب؟ ....
والسبب أنه فيروس سريع الانتشار جدًا برغم أنه بيحتاج إلى علاقة وثيقة الصلة بالمصاب عادة ولا ينتقل بالرذاذ الدقيق بالمسافات الكبيرة، ولكن لأن الفيروس يبقى حيًا لمدة ساعات على الأسطح الملوثة برذاذ المصابين. فيه نسبة كبيرة من المصابين عندهم أعراض خفيفة فبنعتبرها برد عادي ونتعدي منهم،
دة غير أن فترة حضانة الفيروس حتى ظهور الأعراض تعتبر كبيرة.
فكرة انتشار الفيروس في كل دول العالم وتحوله لشيء عالمي منظمة الصحة العالمية مابتعتبروش مسألة مطروحة للنقاش أصلًا، هو الفكرة بس دة يا ترى هيحصل امتى.
وفيه توقعات بأن زي دلوقتي السنة الجاية هيكون من 40 - 70 % من سكان العالم أصيبوا بيه.
نرجع لنسبة الوفيات المذكورة اللي أنت أول ما قريتها قلت: دة كلام فاضي وطلع فيروس أي كلام، لو أصيب 40% فقط من سكان العالم في خلال سنة من الآن زي ما أقل هذه التوقعات بتقول،
ومات منهم الــ 3.4% دول فدة معناه 95 مليون إنسان ممكن يموتوا في خلال سنة!
دة غير أن لو تمت إصابة نسبة كبيرة من سكان العالم دة هيأثر على العناية بالمصابين وهيزود نسبة الوفيات المذكورة
مافيش حاليًا دواء للفيروس، والمصل لو تم النجاح في عمله فمتوقع سنة أو سنة ونص لغاية ما يتم صنعه.
