?إذا مستواك صفر في تصميم الجرافيك ومو عارف كيف تأسس نفسك فهذا الثريد مخصوص لك:

أولاً حدد وش تبغى تتعلم بالضبط:

مجال التصميم مجال واسع جداً ومجالاته مختلفة فإذا ما كان عندك رؤية للشي اللي تبغى تتعلمه فأنت ماشي بشكل عشوائي.

لذالك اعرف مجالات التصميم أولاً ورح اعرض لك أهم مجالات التصميم وهي:

•تصميم السوشيال ميديا.

•تصميم الإعلانات التجارية.

•تصميم الإنفوجرافيك.

•تصميم الهويات البصرية.

•تصميم الشعارات.

•تصميم المطبوعات.

•تصميم الباكج والتغليف.

هذي تقريباً أهم المجالات وفي غيرها كثير.

ثانياً بعد ما عرفت مجالات التصميم لازم تبدأ تتعرف على أساسيات التصميم لأن التصميم مو مجرد شغل على البرامج وبس لازم تتعلم مبادئ وأساسيات التصميم لأنها حجر الأساس.

واذا بدأت تشوف محتوى خاص بالتصميم وتطبق بدون ما تعرف الأساسيات فرح تدخل بدوامة مالها نهاية ويمكن تترك المجال.

فلذالك أهم شي تتعلمه قبل كل شي هي الأساسيات عشان تبدأ تنطلق صح.

ثالثا: بعد ما تعرف مجالات التصميم وتعرف مبادئ وأساسيات التصميم أنت الحين ماشي بالطريق الصح يلزمك الحين دورات لكي تبدأ تتعلم.

بعد ما حددت المجال اللي تبي تتعلمه ابدأ بتطبيق الدورات من خلال مشاهدة الدروس وتطبيقها.