1/ تقريبا شهرين و أنا كنصيب واحد البروتوكول خاص بي لوقاية من انتشار كورونا. سهل و اللي مغاديش يأثر على حياتي الشخصية و في نفس الوقت غادي نحمي بيه راسي و العائلة. مدة شهرين و أنا كنتعلم من الأخطاء اللي كندير و كنحاول نصلحهم.
تقريبا كنطبق 90 % و مازال كنتعلم. THREAD⬇️
2/ - غير نخرج من الدار ندير الكمامة في وجهي بطريقة جيدة فوق الأنف. غادي نبقا دايرها ولو نكون بوحدي، في السيارة حتى نرجع للدار.
- عندي ديما معايا ما يكفي من الكمامات باش تكون عندي كمامة ديال الصباح و الكمامة ديال العشية.
- اذا نزلات الكمامة تحت نيفي غادي نرجعها لبلاصتها مباشرة.
- لا أصافح أحد، و إذا بغا يسلم غادي نعطيه coude
- غادي نحاول مندخلش الأماكن المغلقة و اذا اضطررت غادي نبقا بعيد عليك على الأقل بمتر.
- أتفادى الأكل في الخارج.
- اذا اضطررت نجلس معاك في مقهى غادي نجلسو في الخارج
- مغاديش نبدل هاد النظام بسبب الضغط الإجتماعي، مستعد نكون فشي بلاصة أنا بوحدي اللي داير كمامة.
3/ - ديما هاز معايا منضف الكحولي كنستعملو كل مرة بدلت المكان اللي أنا فيه.
4/ - مغاديش ندخل للدار ديالك و اذا اضطررت لسبب ما، غادي نبقا بعيد و نقدر نطلب منك بكل احترام تفتح الشراجم.
5/ - إذا كنتي معايا في السيارة غادي نطلب منك بكل احترام تبقى داير الكمامة، و اذا كانت عندي إمكانية غادي نخلي الشرجم مفتوح للتهوية الطبيعية.
