١-كيف يمكن تتبع شائعة؟ خلال الأمس انتشرت شائعات حول #كأس_العالم في قطر. في منهم شائعة دخول عدد كبير من المشجعين في الإسلام والأرقام تراوحت بين ٥٥٨ و٨٨٧ و١٨٠٠

تعالوا نتتبع الشائعة ونشوف حجم انتشارها ومين ورائها ومين وقع فيها.

العينة اللي معانا فيها ٨٨٠٣ حساب

#كأسالعالمقطر_2022 https://t.co/Mmipl6SHjk

٢-بداية الأمر جه من فيديو نشره الداعية @FaisalAlhashmi علي سناب شات بيعلن فيه اسلام ٥٥٨ خلال اسبوع قبل بداية كاس العالم.

الرقم مصدره مش د.فيصل لكن مصدره جمعية اسمها @eDialogueC وهي جمعية مشهرة بالرياض وليها انشطة دعوية كتير وبتركز علي الدعوة للإسلام عبر الانترنت.

#كأس_العالم https://t.co/VvKDA0JWkd

٣-الجمعية بتنشر بصورة مستمرة بيانات بعدد المسلمين الجدد لكن غير واضح آلية حصر البيانات وتدقيقها. خاصة أن الجمعية تعتمد علي الحوار عبر الانترنت. هل لو حد دخل وادعى أنه أسلم هل بيحسبوه؟

غياب آلية العد يجعل التشكيك في الجمعية امر سهل ويجب علي الجمعية توضيح مصدر بياناتها. https://t.co/kSYYuMPzBJ

٤- الخبر انتشر لأن شبكة د.فيصل كبيرة فنقل الخبر عدد من الحسابات الكبيرة زي حساب الكاتب @TurkiShalhoub وحساب صحيفة @Almajlliss .

مع انتشار الخبر ده في حساب تاني وهو @bdlycom اللي بينتحل اسم ذاكر نايك استغل الانتشار عشان ينشر شائعاته الخاصة ويستغل التفاعل.

#كأسالعالمقطر_2022 https://t.co/FvkgIfYxeu

٥-حساب @bdlycom فضل ينشر اخبار كاذبة زي فيديو قديم لذاكر نايك وفيه مجموعة بتشهر اسلامها واللي هو في الحقيقة فيديو قديم من ٢٠١٦

https://t.co/ybN4LJz2Lf

الحساب طور الشائعة وقال أن عدد اللي اسلموا وصل ٨٨٧ ثم ١٨٠٠واللي ارقام التفاعل مع تغريداته اصبحت عملاقة.

#كأسالعالمقطر_2022 https://t.co/Zn6Tio5Nje