ثريد | هل التعثر في البداية يعني نهاية الرحلة؟

غالباً بتكون هذه الصورتين بلا أي معنى ومافي بينهم أي رابط لكن بالنسبة لي كانت مثل الجمر على قلبي

كومة الاوراق هذه كانت احد الطرق الجديدة الي جربتها للمذاكرة وكنت متأكد بأخذ بهم الدرجة الكاملة ومستحيل انقص الا درجة درجتين بالكثير https://t.co/DiPnohtnzK

صورة الاوراق إلتقطتها بعد الاختبار واتوقع اني كنت ابكي دم لحظتها من قهر اني جبت العيد بالاختبار والمعلومات تبخرت ، مستحيل اني بذلت هالجهد وبالاخير اختفى وقت الاختبار!

صادف اني لاحظت هذه اللوحة بعدها بكم يوم وصورتها وانا اقول لنفسي كسالى؟ وضحكت من القهر اني بذلت كلشيء وماكنت كسول

انتهت السنة الاولى ، ابراهيم رسمياً طالب في كلية الطب

لكن هل كنت راضي عن مستواي؟ الحزن كان اكبر من الفرح لأني كنت ابذل واتعب وما اشوف النتيجة كثر ما اشوف خيبات في الدرجات ، طيب والحل؟ نجرب طريقة ونظام مذاكرة جديد!

بس خمنوا معي شصار ؟ فشل اخر ياجماعة ما تغير شيء !! طيب والحل؟ https://t.co/Gvy7sbomgS

الإستسلام كان خيار غير موجود على الطاولة فالحل الوحيد نبحث عن طريقة مذاكرة اخرى لأن الي يصير معي مو منطقي هل العيب فيني؟!

صادف الموضوع بداية احد اصعب الفصول الدراسية لطلاب السنة الاولى بكلية الطب ، فصل جديد طريقة مذاكرة جديدة متأكد بحصل الطريقة الانسب بس لازم اصبر وخمنوا شصار؟؟؟ https://t.co/cs07sNht7e

فشل اخر واسف اني بقولها هالمرة الفشل كان مُلحق بعلامة F كبر جبهتي ، يومياً كنت اذاكر من اخلص محاضراتي بالجامعة وارجع اكل لقمتين فالبيت ثم ارجع الجامعة ثاني واقعد لين ٢-٤ الصباح مستحيل هذه درجتي !!! مستحيل ان جهدي ومبذولي يتبخر شالمعنى احتاج شيء يبرر لي الي صاير عشان ما افقد عقلي https://t.co/dLU1qtERHH